هل يحق للاخ يتدخل في اخته اذا كان الاب موجود؟؟؟؟؟

[دمعة المنسية]

السلام عليكم ورحمة الله وبركاته
حبيت أعرض لكم هذا الموضوع .. ونقلته لكم للنقاش وكلنا من بنات وشباب نعيشه ..


(( هذا واحد من الشباب اطلعت أخته لعيد ميلاد صديقتها مع

مجموعه من صاحباتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السواليف ما ردت إلا الساعه 11 وهناك بالبيت استلمها

أخوها بالضرب والرفس المبرح .. تنومت بعدها من كثر ما ضربها

بالمستشفى ؟؟! .. ومع كذا ما ندم بالعكس قال

أحسن .. عشان تعرف إن بالبيت رجـّال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات فسدت أخلاقهن .. وصعب علينا نصلحهن

بدون شده وعنف ..؟!!))

هذي سالفه ثانيه

وحده من البنات تقول : أنا استأذن من أبوي أو أخوي إذا بغيت

أسوي شي وإذا رفضوا أسويه بالســر .؟! لأني ما

أبي أضيّع حياتي ومستقبلي في خرافات حطوها الرياييل

عشان يرضون غرورهم؟! .. وأنا مالي ذنب إني صرت

بنت .. وما دام إني ما أخطئ ما أبي أحد يفرض سيطرته

ويتحكم فيني ..؟؟! مع العلم إن أخوي يخطئ ويكلم بنات

بالتلفون وما أحد يعاقبه وأنا تقوم الدنيا وما تقعد لو أخطأت خطأ

بسيط تافه !!.. و أخوي يجلس على النت بالساعات

؟! وأنا ما أجلس أبداً عشان ما أخترب ولا أنحرف!! .. طيب شو

الفرق بيني وبينه ؟؟!! كلنا محاسبين أمام الله.بنفس الحساب؟!


المناقشــه :،،،،

1- شو تعليقكم على ماسبق ؟

هل صحيح قول (( اكسر للبنت ضلع يطلع لها 24 ضلع )) ؟؟

2- هل صحيح إن الولد غير البنت في الخطأ ؟؟

3- هل صحيح إن لايحق للأخ يتدخل في أخته إذا كان الأب موجود ؟؟

اتريا تجاوب من البنات والشبااااااااااااااااااب ................. مب بس الشباب او بس البناااااااااات :D

[قمر 2001]

لا لا لا لا لا لا لا وألف


لا

[دمعة المنسية]

ekekekek gamar2001 a39abech shaklech et3aneen men hal moshkelah @_@

[سحابه]

الصراحة الصراحة


دام الابو حي الاخو ماله شغيل يحكم بالبنت واذا كان الابو متوفي فلازم ما يضربها ويكفخها خير يطير اخوها بس هب جي يكفخها وين امها وين عمومتها

لي رجعة ثانية بالنقاش تراني مشغوله

[رنين الشوق]

السلام عليكم
ممكن اشارك معكم بالموضوع الرائع
موضوعك بغاية الاهمية دمعة المنسية
اولاَ: أنا ضد الضرب والعنف مع أفراد العائله سو بنت او ولد من الاخ او الوالد
ودائماَ الحوار والنصح يجني ثمار طيبة
ثانيا: بالنسبة لتدخل الاخ في بعض امور أخواته سو كان الوالد عايش او متوفي
ترجع لعدة عوامل
منها :
الحرص الزايد،، الغيرة ،، الخوف ،، العادات ،، هذه بعض العوامل
ايضاَ هناك الاخوه المتسلطين وكــ شاب أنا اعترف بأن هناك فئة من الشباب متسلطين
اما بالنسبة تدخل الاخ في شؤون أخته فأنا أيد هــالشىء سو كان هو العائل الوحيد للعائله او لا
ولكن بحدود فهناك أمور شخصية تخص الاخت لانستطيع التدخل فيها
ودائماَ حاور أختك وكن صديقاَ لها وأفهم ما تريده وكن لها الناصح والمرشد
هذه هي وجهة نظري ولكل أنسان وجهة نظر
وأختلاف الرأي لا يفسد للود قضية
موضوعك رائع يستحق النقاش
دمتِ بود
خالص تقديري
أخوك/رنين الشوق

[me1]

طبعا تصرف الاخ في القصه الاولى غلط

و تصرف البنت في القصه الثانيه غلط اكبر


**********

برايي الاخ له سلطه على اخته حتى لو الاب موجود


ساعات الاب يكون مب واعي للي يحصل برع البيت يعني دايما جيل الاباء غير عن جيل الابناء و اللي كان يصير في زمانهم يصير اكثر منه في زمن الابناء و الاخ عارف هالاشياء و مطلع عليها اكثر

و الاخ لو مب حريص على خواته ما بيسال و لا بينصح

و بعدين هاي اخته يعني عرضه

مستحيل يقدر يشوف اي شي غلط او عيب و يسكت

و ساعات البنت تسوي اشياء بحسن نيه و ما تعرف انها بتاثر في سمعتها

مثال انها تشترك في ناد صحي و النادي مشبوه مثلا و الشباب يعرفون هالشي و هي على نياتها ما تعرف...


بس المفروض ان الاخ يتابع خواته بعقلانيه و بحكمه

يعني يشد و يرخي وقت اللزوم

و طبعا ما يتعدى حدوده و يدخل في حدود سلطة الاب

****************


عن نفسي اذا حد من اخواني شافني طالعه من البيت و ماسالني وين رايحه اتضايق احس انه مب مهتم فيه

و استانس يوم يقول لي وين سايره ... لا تتاخرين ... استخدمي هالشارع ... لا تنزلين روحج


و شكرا غناتي على الموضوع الشيق

[الموت الرحيم]

مرحبا اختيه دمعه منسيه

اول شي احب اشكرج ع التفاعل الطيب والمواضيع اللي تطرحيها لنا وجد جد مميزه

سواء بالنقـــل او بالفكـــر


بالنسبه لموضوعج هــذا .

انا مؤيد فكرة انه الولد يراقب اخته في كل تصرف اتقوم بــه ..
لكن في حدود المعقول ..

يعني الحينه يوم الولد بيراقب اخته .. هذا مش معناته انه يشــك فيها !!
لالالا

هذا لانه يخـــاف عليها لا اكثــر ..
البنت محتشمه وتخاف ربهــا .. لكن ينتظرها برع هذا الباب ذئاب بشــرية ماتخاف حتى من ربــها ..

والبنت حتى لو كانت كبيــره وعاقله ما بتقدر تتصرف او تداف عن نفســها بمثل هاي المواقف ..
مهما كان ..

فالاخ من حقه يراقب اخته وينبهها بكل شي اتسويه ..
لكن بالصورة اللي ذكرتيـــها ... لالالالالا

هاذي بالنهايه انسانه هب يوانه ..
عندها احساس .. وشعـــور ..

يتابع اختــه ولكن ان اخطأت بشــي .. ما يرافسها ويضربها بهاي الطريــقه ..

(( هذا صدق ماعنده سالفه يوم انه يضرب اخته بهاي الطريــقه ))



بالنسبه لاسألتج ..

1- شو تعليقكم على ماسبق ؟

اعتقد باني علقــت .. ولكني ما علقت ع الموضوع الثاني مال البنت وتصرفهــا ..
طبعا غلط مهما كان انها تعمل اي شي من ورا اهلها .. سمحولي يعني بنوتات على هاي الكلمه ( لكنها بتعتبر قليلة ادب وهب محتشمه ) يوم انها اتسوي اشياء منعها اخوها او ابوها منه .. ع الاقل خلها اتقول يوم منعو مني هذا الشي .. اكيد يخافون علي ... اما اذا كان الشي ما يرزا ومنعوها منه .. لازم تحترم رايهم ووجودهم .. ولا .. ( الندم بالنهاية ) وماضني ينفع الندم ذيج الساعه ..

2- هل صحيح قول (( اكسر للبنت ضلع يطلع لها 24 ضلع )) ؟؟

لالالا هذا كلام غير سليم ابد ابد ابد ..
اونه اكسر للبنت ضلع ..
يمكن القــصد شي ثاني من هذا المثــل بس انا ماعرفله ..

3- هل صحيح إن الولد غير البنت في الخطأ ؟؟

تقريـــبا غيــر .. يعني الولد اذا اخطاء بشــي .. سمعته ما بتتشوه ذاك الزود .. وممكن تتغطــى بسهوله .
لكن البنت ماعندها غير سمعه وحده .. اذا تشوهت .. ما بتتغطـــى ..

4- هل صحيح إن لايحق للأخ يتدخل في أخته إذا كان الأب موجود ؟؟

لا بالعكس يحق لـــه ..
واجب الاخ اذا كان الاب هب موجود .. نفس واجب الاب ..


والسموحه اختيه

[دمعة المنسية]

teslmoooooooon a'7wane o a'7awate 3ala tafa3lkom ma3ae fe hal maw'9oo3 ya36eekom el3afeyah

[أنـــس ( الذيب )]

لا لانه ليس رجل البيت بل رجل البيت الثاني اذا راح رجل البيت الاول بعدييين

[عمار الكوسوفي]

اي ليييييه الحق اذا غلطة

يسلموو ع الطرح الغااااااااوي

[روح جميرا]

لا طبعا دام الابو حي الاخ مال شغل ف أخته اذا بيدخل يدخل بأشياء بسيطه غير تشي لا

[مرووج]

1- شو تعليقكم على ماسبق ؟
عليقي ان الأووو لازم يدخل فإخته اذا شف مسوية غلط واذا شاف ان الأبو مب قادر على بنته...

هل صحيح قول (( اكسر للبنت ضلع يطلع لها 24 ضلع )) ؟؟
لاا مب صحيح ... و انا صح بنت بس اقول اللي تبا تصلب عمرها بتصلب عمرها بدون امها وابوها ... ^^

2- هل صحيح إن الولد غير البنت في الخطأ ؟؟
هي صح .... لاتزعلون يا بنات لأي ادافع عن الشاب ... بس والله لوغلط الشاب غلطة عودة بعد كم يوم بيردون الكل وياه ولا جنه وى شي .. بس تعالي شوفيلو البنت غلطت .. بتضرب وبتنجتل وما في حد بيرمسها وبتمون طول عمرهم يذكرونها بالغلط اللي سوته حتى لو كانغل بسيط ... ^^

3- هل صحيح إن لايحق للأخ يتدخل في أخته إذا كان الأب موجود ؟؟
لااااااااااااا مب صح وانا ضد هالشي ... لأن ما في أخ ما يبا مصلحة إخته ...
فديت أخوي يا ربي .... الله لا يحرمني منه ويخليه لي يا رب

السمووووووووحة ع الاطالة و الفلسفة ....

تقبلووو مروري ... ^^